Новы кіраўнік ватыканскай структуры: сапраўдная творчасць звязана з традыцыяй
Бэнэдыктынскі абат
Майкл Зялінскі на гэтым тыдні быў прызначаны Бэнэдыктам XVI кіраўніком новага аддзелу
па літургічным мастацтве ў Кангрэгацыі Божага Культу і Дысцыпліны Сакрамэнтаў. Яго
прызначэнне звязана з рэструктурызацыяй ватыканскай дыкастэрыі, якая адбылася ў сярэдзіне
лістапада. Праца новай структуры, якую ўзначаліў айцец Зялінскі, будзе сканцэнтравана
на мастацтве, архітэктуры і літургічнай музыцы.
Бэнэдыктынец працуе ў Рыме
з 2007 г., калі быў прызначаныа віцэ-старшынёй Папскіх камісій па культурнай спадчыне
Касцёла і сакральнай археалогіі. Яго цяперашняя роля будзе ўключаць у сябе забеспячэнне
таго, каб дырэктывы дакументу ІІ Ватыканскага Сабору аб літургіі “Sacrosanctum Concilium”
добрасумленна ўводзіліся ў жыццё.
У 2008 г., у інтэрв’ю “L’Osservatore Romano”,
бэнэдыктынец выказаў некаторыя думкі аб музычнай спадчыне Касцёла. Ён прапанаваў пачаць
аднаўленне Традыцыі Касцёла з грыгарыянскага харалу, які нясе ў сабе “сэнс каталіцтва”.
У іншым артыкуле для навуковага часопісу ў 2010 г. абат са шкадаваннем пісаў, што
“у апошнія дзесяцігоддзі, вялікая частка культурнай спадчыны Касцёла (...) апынулася
пад пагрозай ідэалогіі навізны”, якая адвяргае глыбокую павагу да традыцый, з якімі
звязана сапраўдная творчасць. Айцец Зялінскі лічыць, што “збядненне” касцёльных абрадаў
ставіць пад пагрозу “саму сустрэчу з увасобленым Панам”. Ён перакананы, што, каб рухацца
наперад, трэба абапірацца на асновы, закладзеныя нашымі продкамі.