Lutje Hyjit për Kombin shqiptar, në 100-vjetorin e Pavarësisë
O Zot, Ati ynë, të lumnojmë e të falënderojmë, Ty, që i do gjithë njerëzit e
u prin gjithë popujve: shoqëroje Kombin tonë shqiptar në çdo hap, shtigjet e
vështira Ti mbushja me shpresë. Bëj, Zot, t’i shohim shenjat e pranisë sate, e
të provojmë forcën e dashurisë sate që kurrë nuk mungon. Zot Jezus, Biri i Hyjit,
Shëlbues i botës, edhe i botës shqiptare. Ti për ne u bëre njeri e ne sot,
në këtë ditë Feste të madhe, nuk mund të mos e shprehim besimin tonë, e të
urojmë që Ungjilli yt të bëhet dritë e fuqi, në rrugën e secilit nesh e në rrugët
e Kombit shqipta. Na priftë, o Zot, ligji i dashurisë sate, i drejtësisë e
i solidaritetit, i pajtimit e i paqes! Shpirti Shenjt, dashuri e Atit dhe e Birit, me
besim të plotë, të lutemi: Ti që je mësues i zemrave, zbulonai mendimet e udhët
e Zotit, jepna sy të kulluar për t’i parë me ta ngjarjet njerëzore, për të ruajtur
trashëgiminë e shenjtërisë e të qytetërimit që na lanë të parët. Ndihmona të
punojmë me mend e me zemër për ta përtërirë shoqërinë shqiptare. Lumni të qoftë
ty, o Atë që me dorën tënde drejtove dorën e burrave të kombit tonë shqiptar. Lumni
ty, Bir, që për dashuri u bëre shërbëtori ynë! Lumni ty, Shpirti Shenjt, që
mbjell dhuratat e tua në çdo zemër shqiptare. Lumni, e Shenjtnueshmja Trini, që
jeton mes nesh në shekuj të shekujve! Amen!