Зала Друку Апостальскай
Сталіцы паведаміла, што 1 снежня адбудзецца прэзентацыя твітэр-каналу Бэнэдыкта XVI.
Праект скіраваны перш за ўсё на моладзь і пачне дзейнічаць да канца гэтага года. У
фармаце кароткіх паведамленняў – 140 знакаў – у “Твітэры” будуць змяшчацца ў першую
чаргу вытрымкі з прамоў Святога Айца. Прэзентацыю правядзе старшыня Папскай рады па
сродках масавай камунікацыі арцыбіскуп Клаўдыё Марыя Чэллі разам са сваімі супрацоўнікамі.
На ёй будуць прысутнічаць таксама медыя-эксперты. Арцыбіскуп Чэллі прызнаўся, што
кожнае з кароткіх паведамленняў будзе зацвярджаць асабіста Бэнэдыкт XVI.