Дарам Году веры і
благаслаўленнем назваў біскуп Пэтэр Рэмігіус, ардынарый індыйскай дыяцэзіі Катара,
беатыфікацыю першага свецкага індуса Дэвасахаяма Пілая. З гэтай нагоды тут распачалося
малітоўнае чуванне і духоўная падрыхтоўка да беатыфікацыі, якую ў індыйскім горадзе
ўзначаліць 2 снежня кардынал Анджэла Амата, прэфект Кангрэгацыі па справах Кананізацыі.
Благаслаўлёны нарадзіўся ў XVIII ст. у заможнай сям’і індуісцкага святара. У маладосці,
беручы ўдзел ў ваенна-марской экспедыцыі ў Галандыю, навярнуўся на каталіцтва і пасля
вяртання прывёў да веры ўсю сваю сям’ю. Яго пастава выклікала пратэсты і гнеў індусаў
з вышэйшых каст, што стала вынікам мучаніцкай смерці індуса-католіка ў 1752 г.
Парэшткі
Пілая знаходзяцца каля галоўнага алтара катэдры св. Ксаверыя ў Катара. Па словах біскупа
Пэтэра Рэмігіуса, першы свецкі благаслаўлёны Індыі павінен стаць прыкладам адвагі
і вернасці для вернікаў і заахвотай да міжканфесійнага і міжкультурнага дыялогу для
плюралістычнага індыйскага грамадства.