Në Nigeri sulmohen kishat: 11 viktima, dhjetra të plagosur
Një e dielë tjetër e përgjakur në Nigeri. 11 persona gjetën vdekjen e dhjetra mbetën
të plagosur gjatë shpërthimit të dy autobombave kamikaze pranë një kishe protestante.
Gjithnjë dje, tre të krishterë u vranë në një pritë, ndërsa po shkonin në meshë në
Kano. Dyshimet bien, si gjithnjë, mbi grupin fondamentalist islamik Boko Haram, që,
fjalë për fjalë, do të thotë “Edukata perëndimore është haram”. Kryeipeshkvi i Abuxhës,
Onajekan, i sapokrijuar kardinal të shtunën nga Papa, paralajmëron të mos konsiderohen
gjithë myslimanët nigerianë si ata të Boko Haramit, organizatë, që përfaqëson një
anomali për vendin. Mbetet fakti se këto sulme u bënë të mundura, për shkak të tradhëtisë
së ndonjë ushtari, i cili u hapi rrugën integralistëve në një zonë, që konsiderohej
e sigurtë, pasi e rrethuar nga kulla me ushtarë e nga tela me gjemba.