Պենետիկտոս ԺԶ Սրբազան Քահանայապետի Գործունէութիւնը։

Հինգշաբթի 22 նոյեմբեր 2012- ի առաւօտեան ժամը 11-ին Պենետիկտոս ԺԶ Սրբազան Հայրը իր գրասենաեկի մէջ ընդունեց Հայիթի հանրապետութեան նախագահ Տիար Միշել Ժոզէֆ Մարթէլլին, անոր կողակիցը եւ իրենց ընկերացող շքախումբը։ Հայիթիի պատուիրակութիւնը հուսկ հանդիպում ունեցաւ նաեւ Վատիկանի Պետական քարտուղար Կարդինալ Թարչիզիօ Պերթոնէի հետ։
Ժամը 11.30-ին Նորին Ստբութիւնը ունկնդրութիւն շնորհեց ֆրանսայի եպիսկոպոսական համահաւք դասի շարք մը եպիսկոպոսներուն որոնք հռոմ ժամանած են իրենց կանոնական հնգամեայ այցելութիւնը կատարելու Սուրբ Պետրոսի յաջորդին։ Ապա ժամը 12-ին Գլեմենթինա Սրահին մէջ Սրբազան Հայրը ունկնդրութիւն շնորհեց Եւրոպական Խորհուրդի բանտերու դործադիր տնօրէններու 17րդ խորհրդաժողովին 200 մասնակիցներուն։