ՄԱԿ-ի Կանանց Խորհուրդի Ամենամեայ Տօնավաճառին Մասնակացած է Նաեւ ՀՀ Ներկայացուցչութիւնը.
Ժընեւի մէջ գործող ՄԱԿ-ի գրասենեակին մէջ տեղի ունեցած է ՄԱԿ-ի Կանանց խորհուրդի (UNWG)
կողմէ կազմակերպուած 40-րդ ամենամեայ ՄԱԿ-ի բարեգործական տօնավաճառը, որուն մասնակցած
է նաեւ ՀՀ ներկայացուցչութիւնը: Այս մասին կը հաղորդէ ՀՀ արտաքին գործոց նախարարութեան
մամուլի եւ տեղեկատւութեան վարչութիւնը: Հայկական տաղաւարը ներկայացուած է հայկական
արտադրութեան ապրանքատեսակներով, բազմատեսակ մշակութային յուշանուէրներով, գիրքերով եւ
հայկական երաժշտութեան ձայնագրութիւններով: Հայկական տաղաւարը վայելած է տօնավաճառի
բազմաթիւ յաճախորդներու ուշադրութիւնը եւ հետաքրքրութիւնը: Հայկական ապրանքատեսակներու
վաճառքէն ստացուած գումարը փոխանցուած է ՄԱԿ-ի Կանանց Խորհուրդի հիմնադրամ` Խորհուրդին
կողմէ իրականացուող բարեգործական ծրագրերու նիւթական աջակցութեան նպատակով: