Ватыкан заклікае філатэлістаў дапамагчы ў рэстаўрацыі каланады на плошчы св. Пятра
Ахвярадаўцы, якія
жадаюць дапамагчы ў рэстаўрацыі каланады на плошчы св. Пятра, могуць атрымаць спецыяльны
іменны філатэлістычны сертыфікат, у якім будзе пацвярджацца іх удзел у гэтай шляхетнай
і патрэбнай справе. Ватыканскі Нумізматычна-філатэлістычы аддзел такім чынам жадае
заахвоціць калекцыянераў, аматараў мастацтва, культуры і гісторыі паўдзельнічаць у
рэстаўрацыі шэдэўра Берніні. Цяпер кожны ахвярадаўца можа запоўніць спецыяльную квітанцыю
і атрымаць іменны сертыфікат з двума адмыслова выпушчанымі паштовымі маркамі. Акрамя
таго, можна проста набыць сертыфікат у ватыканскіх кропках гандлю, запоўніўшы адпаведны
бланк, і такім чынам, грошы за яго набыццё прызначыць на рэстаўрацыю каланады. Гэта
можна зрабіць таксама праз інтэрнэт на старонцы Нумізматычна-філатэлістычнага аддзелу
(http://www.vaticanstate.va/IT/Servizi/UfficioFilatelicoeNumismatico).
Ватыканскія
філатэлістычныя сертыфікаты былі выпушчаны абмежаваным тыражом у 150 тыс. асобнікаў,
што павінна асаблівым чынам прывабіць калекцыянераў.