Կիրակի 18 Նոյեմբեր 2012 - ի կէսօրին, Պենետիկտոս ԺԶ Սրբազան Քահանայապետը, իր գրասենեակի
պատուհանէն, արտասանեց` Հրեշտակ Տեառն մարեմեան աղօթքը, Ս. Պետրոսի հրապարակը համախմբուած
հարիւրաւոր հաւատացեալներու եւ ուխտաւորներու ներկայութեամբ։
Մարեմեան աղօթքէն
առաջ Նորին Սրբութիւնը խորհրդածութիւն մը կատարեց` օրուան սուրբ գրային ընթերցումներուն
վրայ, քաղուած` Մարկոսի աւետարանէն (Գլ.13, 24-32), ուր կը խօսուի Մարդու Որդւոյն գալստեան
մասին։ Մարդու Որդին նոյնինքն Քրիստոսն է -հաստատեց Նորին Սրբութիւնը- որ ներկան
ապագային հետ կը միացնէ,Ան իսկական իարադարձութիւնն է որ հակառակ փոփոխական աշխարհին
կը մնայ ամուր ու կայուն կեդրոն։ Աւետարանին մէջ Յիսուս կը հաստատէ թէ <<երկինքը
ու երկիրը պիտի անցնին բայց իր խօսքերը պիտի չ՛անցնին>>։ Ամէն ինչ անցողական է բայց Աստուծոյ
Խօսքը չի փոխուիր ու Անոր առջեւ մեզմէ ամէն մէկը իր վարուելակերպի պատասխանատուն է -
ըսաւ Նորին Սրբութիւնը ու ապա արտասնեց Հրեշտակ Տեառն Մարեմեան աղօթքը, որուն աւարտին
զանազան լեզուներով ողջունեց ներկայ հաւատացեալները, վերյիշելով նաեւ Արկէնթինայի մէջ
կատարուած <<Մարիա Գրէշէնցա Բէրէզ>> կրօնաւորուհիի երանացման արարողութիւնը։ Ան ապա
ֆրանսերէն լեզուով յորդորեց հաւատացեալները մասնակցելու կիրկանօրեայ ս. պատարագին որ
<<ամէն քրիստոնեայի համար անհրաժեշտութիւն մըն է>>։ Հուսկ բոլորին մաղթելով Բարի
Կիրակի ջամբեց իր հայրական օրհնութիւնը։