Ірландскі рок-музыкант,
лідэр гурту “U2” Бона, вядомы таксама сваёй гуманітарнай дзейнасцю, чарговы раз наведаў
Ватыкан, каб падзякаваць Касцёлу за ўклад у кампанію па адмене знешняй пазыкі бедных
краін. Бона з’яўляецца адным з яе ініцыятараў. 17 лістапада спявак сустрэўся з кардыналам
Пітэрам Тарксанам, старшынёй Папскай рады “Iustitia et pax”. У інтэрв’ю нашаму радыё
ён расказаў, што падчас сустрэчы з іерархам, падзяліўся паспяховымі вынікамі якія
былі дасягнуты ў барацьбе з беднасцю на працягу апошніх гадоў. “Сёння, паводле Сусветнага
Банку, каля 52 млн. дзяцей ходзяць у школу. Без гэтай кампаніі яны б не маглі гэтага
рабіць”, - сказаў музыкант. Акрамя таго, Бона цікавілі далейшыя планы Каталіцкага
Касцёла ў гэтым накірунку.
“Касцёл быў у першых радах гэтага руху і гэта павінна
быць высока ацэнена; Касцёл узначаліў рух, які з’яўляецца міжрэлігійным і міждысцыплінарным,
бо ў яго ўключаны святары і законніцы, музыканты, людзі са свету спорта, футбалісты
... вельмі шырокае прадстаўніцтва. Касцёл быў тут; я думаю, тое, што Касцёл павінен
рабіць зараз – гэта паведамляць пра дасягнутыя вынікі: мы прыбылі для таго, каб разам
абмеркаваць, як гэта лепш зрабіць”, - адзначыў музыкант.
У 1999 г. Бона сустракаўся
ў Ватыкане з бл. Янам Паўла ІІ, калі толькі пачынаў сусветную гуманітарную кампанію
за адмену пазыкаў бедных краін. Ён адзначыў, што да сённяшняга дня носіць сярэбраны
крыжык, які Папа падараваў яму тады.