Законніца Марыя Перэз - новая бласлаўлёная Каталіцкага Касцёла
17 лістапада ў аргентынскім
Пергаміна да хвалы алтароў была ўзнесена законніца Марыя Перэз. Св. беатыфікацыйную
Імшу ўзначаліў кардынал Анджэла Амата, прэфект Кангрэгацыі па справах Кананізацыі.
У інтэрв’ю нашаму радыё. Іерарх распавёў, што новая благаслаўлёная перажывала евангельскія
дабрачыннасці з прастатой, пакорай і дабрыняё. “Жыццё Марыі Перэз натхнялася жывой,
цвёрдай і дзейснай верай, якая стала ў аснову яе працавітасці і інтэнсіўнага апостальства”,
- адзначыў кардынал Амата.
Кіраўнік ватыканскай дыкастэрыі падкрэсліў, што
падчас зямнога жыцця новая благаслаўлёная дапамагала ўсім, напрыклад тым, хто не меў
грашэй на лекі для дзяцей, яна адказвала: “Дачка мая, не турбуйся, я дам табе іх.
Дзецям з бедных сем’яў, якія прымалі першую камунію, яна купляла вопратку, ружанцы,
рэлігійныя кнігі, каб і яны мелі радасць.
Кардынал Амата сказаў таксама, што
Марыя Перэз пакінула нам тры ўказанні, паводле якіх мы маем жыць: “Па-першае, заклікае
нас умацоўваць нашу веру ў Бога, жыць ёй і сведчыць аб ёй і не сароміцца Евангелля.
Па-другое, заклікае нас браць прыклад з жыцця святых, перш за ўсё, з прыкладу іх малітвы
і слуджэння бедным, дзецям і хворым і па-трэцяе, благаслаўлёная Марыя Перэз прадстаўляецца
Касцёлам як наша заступніца перад Святой Тройцай”, - сказаў кардынал Амата.