2012-11-17 11:57:57

2012 Տարին՝ Հայ Տպագրութեան 500-ամեակը
Հայ տպագրութիւնը Մեղապարտէն ետք...


Յակոբ Մեղապարտէն ետք, հռչակուած է Թոխաթեցի Աբգար Դպիրը, դարձեալ Վենետիկի մէջ 1565-ին։
Ան հայ տառեր ձուլել տալով տպեց Օրացոյց եւ Սաղմոսարան։ Աբգար անցաւ Պոլիս ուր 1567-ին հիմնեց անդրանիկ տպարանը, որուն անդրանիկ պտուղն եղաւ ՜՜Այբենարան, Տաղարան, Յիսուս Որդի եւ Մաշտոց՝՝։
Հայոց Բ. հայ տպագրիչը՝ Աբգար Թոխաթեցին իր հրատարակչական աշխատանքն սկսելու ատեն, ձեռքի տակ ունեցած է Յակոբ Մեղապարտի հրատարակութիւնները։ Օրինակ, Աբգարի տպատառերը նոյնպէս ձեռագրի ձեւ ունին։ Աբգար Թոխաթեցիի օգտագործած զարդագրերն ալ պատրաստուած են Յակոբ Մեղապարտի զարդագրերու ոճով։
Աբգարը նոյնպէս տպագրած է՝ ՜՜Պատարագատետր, Տաղարան, Պարզատոմար, Սաղմոսարան, Ժամագիրք, Տօնացոյց, Մաշտոց եւ Քերականութիւն՝՝։
Աբգարի որդին՝ Սուլթանշահ եւ իր ընկերը՝ Յովհաննէս Տէրզնցի, 1584-ին Հռոմի մէջ տպեցին Տօմար Գրիգորեան, այն հայ տառերով՝ զոր Ս. Աթոռը ձուլել տուած էր 1579-ին։ Սուլթանշահ շարունակեց իր տպագրական գործը ԺԷ. 17-րդ դարու սկիզբները։
Հռոմի հայատառ տպարանը , այդ շրջանին հրատարակեց մի քանի կրօնաշունչ ուրիշ գիրքեր ալ։








All the contents on this site are copyrighted ©.