Святы Айцец сустрэўся з Прэзідэнтам Рэспублікі Кот-д’Івуар
16 лістапада Святы
Айцец сустрэўся з Прэзідэнтам Рэспублікі Кот-д’Івуар Аласанам Уатара. Пасля сустрэчы
з Пантыфікам прэзідэнт афрыканскай краіны абмеркаваў актульныя пытанні з кардыналам
Дзяржсакратаром Тарцызіо Бэртонэ і Сакратаром па адносінах з дзяржавамі арцыбіскупам
Мамбэрці. Падчас перамоваў падкрэсліваліся сардэчныя адносіны, якія існуюць паміж
Святым Пасадам і Рэспублікай Кот-д’Івуар і зроблена ацэнка таго, як Касцёл можа дапамагчы
дабру гэтай краіны, умацоўваючы спакой, спрыяючы абароне правоў чалавека, дыялогу
і нацыянальнаму прымірэнню – адзінаму шляху да адзінства і развіцця. Падкрэслівалася
плённае супрацоўніцтва паміж Касцёлам і дзяржавай, у прыватнасці, у галіне аховы здароўя
і адукацыі. Адначасова было агучана пажаданне, каб прыйшоў да паспяховага завяршэння
працэс падрыхтоўкі Пагаднення паміж Святым Пасадам і Рэспублікай Кот-д’Івуар. Паколькі
Аласан Уатара з’яўляецца таксама старшынём Эканамічнай супольнасці краін Заходняй
Афрыкі, на сённяшняй сустрэчы ў Ватыкане абмяркоўваліся таксама некаторыя актуальныя
рэгіянальныя праблемы.