Më 25 nëntor, katolikët shqiptarë luten për atdheun. Përfundimet e mbledhjes vjetore të ipeshkvijve

Fjalët e martirëve të komunizmit para pushkatimeve pa gjyq: “Rrnoftë Krishti Mbret! Rrnoftë Shqipnia!” u kanë dhënë idenë ipeshkvijve katolikë shqiptarë të caktojnë 25 nëntorin, ditën kur Kisha kremton pikërisht festën e Krishtit Mbret, si ditë lutje e falenderimi drejtuar Zotit, për atdheun. Ky është vetëm njëri nga vendimet, që u morën në asamblenë e përgjithshme të Konferencës Ipeshkvnore të Shqipërisë, e cila u zhvillua në Tiranë, nga 13 nëntori e deri më sot. Për rezultatet, na flet me telefon nga Tirana, zëdhënësi i ipeshkvijve, don Gjergj Meta…