Энцыкліка “Pacem in terris” у цэнтры ўвагі даследчыкаў
“Мір і вайна. 50-годдзе
энцыклікі “Pacem in terris”,- так гучыць тэма сустрэчы, якая 16 лістапада пройдзе
ў італьянскім Арэцца. Адным з арганізатараў форума з’яўляецца праф. Луіджы Бананатэ,
выкладчык Турынскага ўніверсітэту. У інтэрв’ю газеце “La Stampa” ён падкрэсліў, што
калі Ян ХХІІІ пісаў “Pacem in terris”, падзеі ў свеце мелі зусім іншы характар. “У
той час ядзерная вайна і пагроза знішчэння нашай планеты сталі асноўнымі фактарамі
міжнароднага жыцця”, - нагадаў прафесар. Паводле яго, сёння гэтую пагрозу змяніў новы
тып небяспекі. “У наш час палітычнае насілле праяўляецца не праз вялікія войны, а
праз малыя і мясцовыя канфлікты”, - заўважыў Бананатэ.
Па словах даследчыка
спадчыны Яна ХХІІІ, эканоміка, дэмакратыя і мір на зямлі сёння ўзаемазалежныя і непарыўна
звязаныя паміж сабой. Калі адна пераважае цяжкасці, гэта прыводзіць да крызісу ўсёй
сістэмы,- лічыць ён. Каштоўнасць дэмакратыі, у яе адмаўленні ад насілля, што цесна
пераплецена з пасланнем энцыклікі “Pacem in terris”,- адзначыў Луіджы Бананатэ. Паводле
яго, менавіта па гэтай прычыне дэмакратыя павінна стаць найлепшым месцам для сустрэчы
паміж веруючымі і няверуючымі. Каштоўнасць энцыклікі “Pacem in terris” Яна ХХІІІ у
тым, што цэнтральнае месца ў ёй займае сустрэча паміж рэлігіяй і палітыкай, - адзначыў
эксперт напярэдадні святкавання 50-годдзя папскага дакументу.