Папа прызначыў кіраўніка Службы пратаколу Дзяржсакратарыяту

Бэнэдыкт XVI прызначыў 14 лістапада новага кіраўніка Службы пратаколу Дзяржсакратарыяту Апостальскай Сталіцы. Ім стаў кс. прэлат Хасэ Авэліна Бэтэнкурт, які з 1999 г. знаходзіцца на дыпламатычнай службе Святога Пасаду. Святар, які з’яўляецца ўраджэнцам Азорскіх астравоў, апошнім часам працаваў у Аддзеле адносін з дзяржавамі Дзяржсакратарыяту. Валодае англійскай, французскай, італьянскай, партугальскай і іспанскай мовамі.

Службы пратаколу адказвае за адносіны з дыпламатычным корпусам, цырыманіяльныя працэдуры падчас уручэння новымі пасламі даверчых грамат Пантыфіку. Праз гэту структуру праходзяць усе афіцыйныя просьбы аб сустрэчах дыпламатаў са Святым Айцом.