Կոչումներու թեմական Յանձնախումբի պատասխանատուի անուանում Ամենապատիւ
եւ գերերջանիկ Տ Տ Ներսէս Պետրոս ԺԹ Տանն Կիլիկիոյ Կաթողիկէ Հայոց Կաթողիկոս Պարրիարքը
յատուկ գիրով մը Կոչումներու թեմական Յանձնախումբի պատասխանատու նշանակեց Գերապատիւ Հ.
Մաշտոց Վրդ. Զահթէրեանը Առ Գերապատիւ Հ. Մաշտոց Վրդ. Զահթէրեան (գրած է ամեն.
Հոգեւոր Տէրը) Այս գիրով քեզ կ՛անուանեմ Կոչումներու թեմական Յանձնախումբի պատասխանատու:
Քեզի կ՛իյնայ Յանձնախումբի անդամները զատել, որպէսզի կարենամ զանոնք անուանել: Նախապատուութիւնը
տալու է աղօթքի: Կոչումներու հարցը Նուիրապետութեանս ամէնէն կենսական ու հրատապ հարցերէն
մին է: Ասոր համար, այս նուիրական գործը աւելի արդիւնաբեր դարձնելու համար, կապ պահելու
է ժողուրդապետներուն եւ վարժարաններու տնօրէներուն հետ: Կրնաս վստահ ըլլալ, սիրելի վարդապետ,
որ Կոչումներու Յանձնախումբը իմ ամբողջական հոգածութիւնը կը վայելէ:
Հայրական
Օրհնութեամբ՝
Ներսէս Պետրոս ԺԹ. Կաթողիկոս Պատրիարք Տանն Կիլիկիոյ
Կաթողիկէ Հայոց