Нунцый у ЗША: пераслед пачынаецца з “нежадання прымаць грамадскую ролю рэлігіі”
Арцыбіскуп Карла Марыя
Вігано, Апостальскі нунцый у ЗША, заявіў, што ёсць пэўныя “пагроза” для рэлігійнай
свабоды ў Злучаных Штатах, якая з’явілася таму, што некаторыя ўплывовыя каталіцкія
грамадскія дзеячы і выкладчыкі ўніверсітэтаў знаходзяцца ў саюзе з праціўнікамі касцёльнага
вучэння. На яго думку, дыскрымінацыя па рэлігійнай прыкмеце ўжо даўно перастала быць
уласцівай выключна недэмакратычным і таталітарным рэжымам. “На жаль, гэта здараецца
з усё большай рэгулярнасцю ў тых краінах, якія многія лічаць вялікімі дэмакратыямі
свету”, - падкрэсліў нунцый падчас прамовы ў адным з амерыканскіх каталіцкіх універсітэтаў.
Паводле яго, гэта “трагедыя” як для верніка, так і для дэмакратычнага грамадства.
Арцыбіскуп
Вігано нагадаў пра абавязак католіка быць вучнем Хрыста, а не “элементам палітычнай
ці свецкай ідэалогіі”. Ён паскардзіўся на тое, што многія амерыканскія католікі падтрымліваюць
“буйную палітычную партыю”, у асноўныя прынцыпы якой закралася зло. На думку іерарха,
праблема пераследу пачынаецца з “нежадання прымаць грамадскую ролю рэлігіі”. “Свабода
рэлігіі з’яўляецца ажыццяўленнем вернасці Богу і Яго Святому Касцёлу без кампрамісаў”,
- выказаў перакананне Апостальскі нунцый у ЗША.