2012-11-13 07:40:36

Utawala bora, misingi ya maadili na utu wema ni dawa mchunguti katika mapambano dhidi ya rushwa, ufisadi na ubiafsi


Utawala bora na makini unaozingatia na kuheshimu sheria, kanuni na maadili ni muhimu sana katika mapambano dhidi ya adui ujinga, umaskini na magonjwa. Ni kinga madhubuti inayowajengea watu moyo wa mshikamano, unaopania kulinda na kudumisha misingi ya haki, amani, upendo, daima wakijitahidi kutafuta mafao ya wengi na maendeleo endelevu. RealAudioMP3

Uwajibikaji katika kutafuta mafao ya wengi ni jambo la msingi sana wakati huu ambapo nchi nyingi zinaendelea kukabiliana na athari za myumbo wa uchumi kimataifa. Ubinafsi, ukiukwaji wa maadili, miiko ya uongozi na utawala bora umepelekea kuibuka kwa kinzani na migogoro ya kisiasa kati ya "akina yakhe pangu pakavu tia mchuzi na wale wanaosema, eti ponda mali kufa kwaja!". Matokeo yake rushwa, ufisadi na ubadhilifu wa mali ya umma vinaendelea kuwa ni saratani ambayo itachukua muda mrefu kupata tiba yake, ikiwa kama viongozi hawathubutu kufanya maamuzi machungu kwa kuwawajibisha wale wanaokiuka kanuni, taratibu, miongozo na maadili ya nchi.

Pengine umefika wakati wa kuwajibisha badala ya kufumbiana macho kama sera ya kulindana wakati ambapo nchi nyingi zinaendelea kuteteketea kwa ubinafsi na uchoyo!







All the contents on this site are copyrighted ©.