Nga data 19 deri më 23 nëntor, në Vatikan do të mbahet Kongresi XXIII botëror i Apostullimit
të detit. Takimi u paraqit në Sallën e Shtypit të Vatikanit nga kryetari i Këshillit
Papnor për emigrantët dhe endacakët, kardinali Antonio Maria Veliò, nga atë Gabriele
Ferdinando Bentolio dhe atë Bruno Çiçeri, përkatësisht zëvendës sekretar dhe nëpunës
i të njëjtit dikaster. Të dy rregulltarët janë të Urdhërit të Skalabrinianëve, tradicionalisht
të impenjuar në ndihmë të italianëve jashtë vendi. Zëdhënësi i Vatikanit, atë Federiko
Lombardi, duke hapur konferencën, kujtoi se është hera e parë, gjatë tridhjetë viteve
të fundit, që preket një temë e tillë në Romë. Ndërsa kardinali Veliò sqaroi se
Kongresi i Apostullimit të detit mblidhet çdo pesë vjet e mbahet në qytete të ndryshme
të botës. I fundmi ishte ai i Bolonjës.