Лондан перадаў Рыа дэ Жанейра эстафету алімпійскіх “100 дзён міру”
Рыа дэ Жанейра прыняў
эстафету алімпійскіх “100 дзён міру”. У Лондане адбылася спецыяльная ўрачыстасць з
гэтай нагоды. Ініцыятыва пачалася за 50 дзён да пачатку Лонданскай Алімпіяды і скончылася
праз 50 дзён пасля завяршэння ў сталіцы Вялікабрытаніі Паралімпійскіх гульняў. Аўтарам
ідэі з’яўляецца Камісія “Iustitia et Pax” біскупскай канферэнцыі Англіі і Уэльса.
Па яе ініцыятыве ў перыяд правядзення Алімпійскіх і Паралімпійскіх гульняў адбывалася
пастаянная малітва за мір каля “Алімпійскага крыжа”, устаноўленага каля Алімпійскага
парку. Усю гэту “спадчыну міру”, пажадаў пераняць і выкарыстаць Касцёл у Бразіліі
падчас наступнай Алімпіяды, якая пройдзе ў 2016 г. у Рыа дэ Жанейра.
На ўрачыстасці
ў Лондане бразільскай дэлегацыі быў перададзены “Алімпійскі крыж” і “Ікона міру”.
Гэтыя сімвалы будуць перавезены і застануцца ў Рыа дэ Жанейра да Алімпійскіх гульняў,
пасля якіх накіруюцца ў сталіцу наступнай Алімпіяды.