Ватыканская дыкастэрыя збірае біблістаў і журналістаў
Чарговую незвычайную
ініцыятыву арганізавала Папская рада па культуры. На гэты раз ватыканская дыкастэрыя
збярэ разам дванаццаць вядомых італьянскіх біблістаў і журналістаў, якія сумесна паразважаюць
на тэму стварэння сусвету, яго разбурэння і пошуку новай чалавечнасці. Сустрэча пройдзе
ў шэсць этапаў, а першая дыскусія адбудзецца 11 лістапада ў славутым езуіцкім касцёле
імя Езуса.Удзельнікі мерапрыемства пад назвай “На пачатку Бог стварыў...” будуць разважаць
над тэкстамі з кнігі Быцця аб прыгажосці Божых ініцыятыў, гармоніі паміж Стварыцелем
і стварэннямі, прасторы і часу ў Божым плане і чалавечай гісторыі. Затым у цэнтры
дыскусій будзе грэх, падзенне чалавека, разбурэнне гармоніі, насілле і прычыны гэтых
разбурэнняў. Нарэшце, апошняя частка мерапрыемства будзе прысвечана пошуку новай чалавечнасці
ў саюзе з Богам, падарожжу-пілігрымцы, як сімвалу гэтага пошуку.