Ватыканская дыкастэрыя віншуе індуістаў са святам Дзівалі
“Выхоўваць маладыя
пакаленні, каб былі працаўнікамі міра”, - так гучыць пасланне Папскай рады па міжрэлігійнаму
дыялогу з нагоды свята Дзівалі, якое ў гэтым годзе індуісты святкуюць 13 лістапада.
У ім звяртаецца ўвага на тое сёння, у многіх рэгіёнах свету, існуюць пагрозы для “законных
чаканняў мірнага суіснавання”. Каталіцкія іерархі нагадалі, што адказнасць за мір
ляжыць на прадстаўніках усіх рэлігій і заключаецца ў выхаванні людзей, асабліва маладых
пакаленняў. Каб былі працаўнікамі міра. “Мір – гэта не толькі адсутнасць вайны, гэта
не пакт ці трактат, які гарантуе спакойнае жыццё ... але плён любові”, - нагадваюцца
ў пасланні словы Бэнэдыкта XVI. Паводле прадстаўнікоў Папскай дыкастэрыі дзеля
міра важна навучыць моладзь дзейнічаць у любові і свабодзе. “Акрамя таго, у кожным
выхаванні міру, культурныя адметнасці павінны лічыцца багаццем, а не пагрозай ці небяспекай”,
- гаворыцца ў пасланні. Звяртаецца ўвага на тое, што першай школай міра павінна
быць сям’я, але таксама навучанне міру павінна адбывацца ў школах, каледжах і універсітэтах.
Немалая роля ў гэтым заданні належа таксама СМІ: “Паколькі розныя сродкі камунікацыі
значна ўплываюць на спосаб думання, адчування і дзеянне людзей, усе занятыя на гэтай
ніве абавязаны максімальна распаўсюджваць словы, думкі і справы міра”, - гаворыцца
ў пасланні Папскай рады па міжрэлігійным дыялогу.