Dom Nikollë Kaçorri protagonist i flamurit shqiptar
Dom Nikollë Kaçorri, është një personalitet i shquar që përgatiti Pavarësinë e Shqipërisë.
Këtë e dëshmon edhe fakti që dom Nikollë Kaçorri ishte në Kuvendin e Shpalljes së
Pavarësisë së Shqipërisë në Vlorë më 1912, që ishte në krahun e djathtë të Ismail
Qemalit. E vërtetë dom Nikollë Kaçorri është figurë e jashtëzakonshme, madje themelore
në lëvizjen dhe procesin e Pavarësisë së Shqipërisë. Në ngjarjen historike të shpalljes
së Pavarësisë së Vendit, dom Nikollë Kaçorri nuk qe i pranishëm në emrin e tij personal,
por si përfaqësues i Kishës Katolike dërguar nga ipeshkëvi dioqezan i tij. Ai u dallua
në veprimtarinë ungjillëzuese e atë kombëtare. Krahas misionit meshtarak e atij kulturor,
dom Nikollë Kaçorri, prift e dijetar i madh, ishte jashtëzakonisht i angazhuar në
mbështetje të çështjes kombëtare nga mbrojtja e gjuhës, e shkrimit dhe e shkollës
shqipe, deri te mbështetja e kryengritjes së popullit shqiptar të viteve 1911-1912,
që i paraprijnë shpalljes së pavarësisë së Vendit. Në vitin 1908 në Kongresin e
Manastririt së bashku me at Gjergj Fishtën dhe Luigj Gurakuqin e shumë atdhetarë të
tjerë, dom Nikollë Kaçorri i dhanë kahje perendimore kulturës shqiptare, duke e vendosur
alfabetin që kemi tash mase 100 vjet. Personaliteti i dom Nikollë Kaçorrit, prift,
atdhetar, largpamës e guximtar është i rendit parësor të epokës historike, 100-vjetori
i së cilës kremtohet sivjet, megjithëse jo aq shumë i njohur, sikurse ka ndodhur me
personalitete tjera. Ai u dënua si organizator i një kryengritjeje kundër qeverisë
sulltanore në krahinën e Kurbinit. Mbrojtja që bëri për Vendin e veten, janë një apologji
e çështjes shqiptare kundër pushtuesit perandorak osman. Ai ishte i bindur se shqiptarët
meritonin mëvetësinë si një mbretëri e pavarur, e këtë e pohonte me një vizion largpamës
që kishte për të mirën e kombit. Prandaj, sot mbi këtë personalitet kombëtare e
kishtar, flasim me priftin shqiptar dom Pren Kolën............