ആരാധനക്രമത്തിന്‍റെ ഏകീകരണം
അനിവാര്യമെന്ന് കര്‍ദ്ദിനാള്‍ ബര്‍ത്തോണെ
7 നവംമ്പര്‍ 2012, വത്തിക്കാന്ആരാധനക്രമത്തില് പ്രകടമാകേണ്ട ഐക്യം വിശ്വാസ ജീവിതത്തിലുള്ള ഐക്യമാണെന്ന്, വത്തിക്കാന്‍ സ്റ്റേറ്റ് സെക്രട്ടറി, കര്‍ദ്ദിനാള്‍ തര്‍ച്ചീസിയോ ബര്‍ത്തോണെ ഉദ്ബോധിപ്പിച്ചു. ‘സഭയുടെ പ്രബോധനാധികാരം’ summorum pontificum എന്ന ശീര്‍ഷകത്തില്‍ ബനഡിക്ട് 16-ാമന്‍ പാപ്പാ 2007-ല്‍ പുറപ്പെടുവിച്ച motu proprio സ്വാധികാര പ്രബോധനത്തിന്‍റെ 5-ാം വാര്‍ഷികം അനുസ്മരിച്ചുകൊണ്ടു നല്കിയ സന്ദേശത്തിലാണ് കര്‍ദ്ദിനാള്‍ ബര്‍ത്തോണെ ഇപ്രകാരം പ്രസ്താവിച്ചത്. വത്തിക്കാന്‍ സൂനഹദോസിനു മുന്‍പ് പ്രചാരത്തിലുണ്ടായിരുന്ന Tridentine കുര്‍ബ്ബാന ഉപയോഗിക്കുന്നതിനുള്ള അനുവാദം എല്ലാ വൈദികര്‍ക്കും നല്കിക്കൊണ്ടും, ആരാധനക്രമത്തില്‍ വിശിഷ്യാ, പരിശുദ്ധ കര്‍ബ്ബാനയുടെ അര്‍പ്പണത്തില്‍ നിലനിര്‍ത്തേണ്ട അച്ചടക്കത്തെയും ഐക്യത്തെയും എടുത്തു പറയുന്നതുമായ പാപ്പായുടെ ഈ പ്രബോധനം ഇന്നും പ്രസക്തമാണെന്നും കര്‍ദ്ദിനാള്‍ ബര്‍ത്തോണെ സന്ദേശത്തില്‍ ചൂണ്ടിക്കാട്ടി.
ദൈവമക്കളുടെ വിശ്വാസ ജീവിതത്തിലൂടെയും പ്രാര്‍ത്ഥനാ പാരമ്പര്യത്തിലൂടെയും നൂറ്റാണ്ടുകളായി സഭയില്‍ വളര്‍ന്നു വന്നിട്ടുള്ള ആരാധനക്രമത്തിന്‍റെ ഐക്യം നിലനിര്‍ത്തുവാനും, അതിന്‍റെ വിശുദ്ധിയും മൂല്യവും പരിരക്ഷിക്കുവാനും നവസുവിശേഷവത്ക്കരണ പദ്ധതിയിലൂടെ പരിശ്രമിക്കണമെന്നും, കര്‍ദ്ദിനാള്‍ ബര്‍ത്തോണെ സന്ദേശത്തില്‍ ഉദ്ബോധിപ്പിച്ചു.
| All the contents on this site are copyrighted ©. |