Святы Пасад лічыць карыснымі як паслясаборны, так і перадсаборны абрады
Кардынал Дзяржсакратар
Тарчызіо Бэртонэ лічыць карыснымі як паслясаборны, так і перадсаборны абрады, паводле
якіх адпраўляецца Эўхарыстыя. У лісце ад імя Бэнэдыкта ХVI, скіраваным да ўдзельнікаў
св. Імшы паводле перадсаборнага абраду, што прайшла ў ватыканскай базыліцы 3 лістапада
з нагоды пятай гадавіны апублікавання Папам дакументу “Summorum Pontificum”, кардынал
Дзяржсакратар адзначыў, што Святы Айцец выданнем гэтага дакументу адказаў на чаканні
вялікай групы вернікаў. У сваім лісце, апублікаваным у сённяшнім “L’osservatore Romano”,
Кардынал Бэртонэ падкрэсліў карыснасць захавання багацця перадсаборнай літургіі, якое
паўстала ў веры і малітве Касцёла, і надання яму належнага месца. Аднак, лічыць ватыканскі
іерарх, “трэба поўнасцю прызнаць каштоўнасць і святасць звычайных форм рымскага абраду”.
Іерарх дадаў, што падчас Году веры, абвешчанага Святым Айцом, усе вернікі закліканы
праявіць асаблівым чынам сваё адзінства ў веры, каб стаць “плённымі працаўнікамі новай
евангелізацыі”.