Біскупы ЗША абмяркуюць
змены ў свеце грамадскіх медыя і іх наступствы для Касцёла падчас дыскусіі з блогерамі
і іншымі карыстальнікамі сацыяльных сетак у Балтыморы 11 лістапада. “Сустрэча з сацыяльнымі
медыя: дыялог біскупаў і блогераў” будзе папярэднічаць штогадовай восеньскай Генеральнай
асамблеі Канферэнцыі Каталіцкіх Біскупаў Злучаных Штатаў. “Мы спадзяемся, што гэта
спатканне прынясе плённыя абмеркаванні і глыбокае разуменне таго, як сацыяльныя медыя
і Касцёл могуць узбагачаць адзін аднаго”, - сказаў біскуп Джон Вэстэр з Солт Лэйк
Сіці, старшыня камітэта епіскапату па камунікацыях, адзін з арганізатараў мерапрыемства.
На
сустрэчы будзе прадстаўлены аналіз за 2012 г., зроблены Цэнтрам прыкладных даследаванняў
і апостальства, на тэму “Каталіцкія новыя медыя і іх выкарыстанне ў Злучаных Штатах”,
а затым адбудзецца адкрытая дыскусія над дакументам.
“Біскупы і блогеры” –
гэта працяг абмеркавання, пачатак якому быў дадзены ў красавіку 2011 г. у Ватыкане,
калі Папскія рады па сродках масавай камунікацыі і па культуры сабралі разам блогераў
з усяго свету.