Маскоўскі Патрыярх прыняў кардынала Пупара

Маскоўскі Патрыярх Кірыл I сустрэўся ў Маскве з ганаровым старшынёй Папскай рады па культуры кардыналам Полем Пупарам. Як паведаміў 3 лістапада фонд “Pro Oriente”, сустрэча адбылася ў рамках сімпозіума “Новая вялікая антыкрызісная стратэгія – грамадскія і маральныя аспекты”. На парадку пасяджэння, якое адбылося з удзелам прадстаўнікоў Цэркваў, а таксама фінансавага сектара, былі этычныя праблемы, як ія ўплываюць на сучасныя банкаўскія і фінансавыя сістэмы. Акрамя таго, былі абмеркаваны стратэгіі, з дапамогай якіх Касцёл і грамадства маглі б падтрымаць бедных.

Патрыярх Кірыл, – у якасці кіраўніка Аддзела знешніх царкоўных сувязяў, – ужо сустракаўся з кардыналам Пупарам у маі 2006 г. у Вене. з нагоды форуму пад назвай “Даць душу Еўропе”, арганізаванага Папскай радай па культуры ў супрацоўніцтве з Аддзелам знешніх царкоўных сувязяў.