Ֆրանսայի նախագահ Ֆրանսուա Հոլլանտ վաղը կանուխ առաւօտեան պիտի ժամանէ Լիբանան, ուր հանդիպում
մը պիտի ունենայ հանրապետութեան նախագահ զօր. Միշել Սլէյմանի հետ: Հոլլանտի այցելութիւնը,
որուն նպատակն է լիբանանեան պետութեան զօրակցութիւն ցուցաբերել, պիտի սահմանուի նախագահ
Սլէյմանի հետ հանդիպումով մը, որմէ ետք նախագահներ Հոլլանտ եւ Սլէյման նախագահական պալատին
մէջ պիտի տան մամլոյ միացեալ ասուլիսի մը: Մամլոյ ասուլիսէն ետք Հոլլանտ պիտի մեկնի
Պէյրութէն: Կը նախատեսուի, որ Ֆրանսայի նախագահին Լիբանան այցելութիւնը միայն քանի մը
ժամ տեւէ: