Ուրբաթ 2 նոյեմբերին` ըստ լատինաց Օր Մեռելոց է։ Պենետիկտոս ԺԶ Սրբազան Քահանայապետը,
երեկոյեան (Ժամը 18-ին) Վատիկանի գետնադամբանի մէջ կը գլխաւորէ աղօթքի հոգեհանգստեան
արարողութիւն մը, ի յիշատակ՝ բոլոր ննջեցեալ Քահանայապետերուն։ Իսկ շաբաթ 3 նոյեմբերի
առաւօտեան ժամը 11.30-ին, Սուրբ Պետրոսի Աւագ խորանի վրայ, Նորին Սրբութիւնը կը նախագահէ
հոգեհանգստեան սուրբ պատարագ մը 2012 տարուայ ընթացքին մահացած կարտինալական դասի 10
անդամներուն, որոնց շարքին է նաեւ Կարտինալ Իգնատիոս Մուսսա Տաուտ` Ասորի Եկեղեցւոյ վաստակաւոր
Պատրիարքը եւ Արեւելեան Ժողովի երբեմնի Կառավարիչը։ Աղօթք բարձրացուց նաեւ՝ 2011 - 2012
տարեշրջանին մահացած 143 եպիսկոպոսներուն եւ արքեպիսկոպոսներուն որոնց շարքին նաեւ՝
Հայ Կաթողիկէ Նուիրապետութեան վաստակաւոր եւ յիշատակի արժանի բարեյիշատակ Պօղոս արք.Գուսսան՝
Պաղտատաի Հայ Կաթողիկէ եկեղեցւոյ առաջնորդը, որ իր մահկանացուն կնքեց 8 յուլիս 2012-ին
եւ հարեյիշատակ Վարդան եպ. Աշքարեան՝ Պէյրութի Տեղապահ եպիսկոպոսը, որ իր մահկանացուն
կնքեց 28 յուլիս 2012-ին։ Յիշատակն արդարոց օրհնութեամբ եղիցի։