Takim ndërfetar kushtuar Sindonës në Universitetin “Mbretëresha e Apostujve”.
Do të mbahet më 7 nëntorin e ardhshëm, pranë Universitetit Papnor “Mbretëresha e Apostujve”,
një takim ndërfetar kushtuar Sindonës, organizuar nga grupi universitar i kërkimeve
shkencore Othonia, në bashkëpunim me Institutin ‘Shkenca e Feja’ të universitetit
papnor. Do të jenë të pranishëm profesor Bruno di Porto, i Bashkësisë hebraike Lev
Chadash; Barrie Schwortz, President i Stera (në videokonferencë); imami Jahja Palaviçini,
kryetar i Bashkësisë fetare islamike italiane; profesor Bruno Barberis, drejtor i
Qendrës ndërkombëtare të Sindonologjisë të Torinos; kapuçini Xhanfranko Berbeni dhe
autoritete të tjera të kësaj fushe.Gjatë diskutimeve, do të preken tre argumente kryesore:
mjetet shkencore që janë përdorur për analizën e dokumentit historik, duke u ndaluar
tek lidhja e shkencës me fenë; figura e vulosur mbi Sindonën, që të shtyn të reflektosh
mbi misterin e vuajtjes dhe të kuptimit të saj, sipas të trija feve dhe lidhja ndërmjet
njeriut të Sindonës e Jezusit, sipas hebrenjve, të krishterëve e myslimanëve.