Հինգ դարեր յետոյ Վատիկանի Սիքստեան Մատուռը կը մնայ աւելի քան 5 միլիոն անձերու համար
(որոնք ամէն տարի կ՝այցելեն Մատուռը՝ ՝՝անմոռանալի ապրումներու վայրը՝՝։ Պէտք է մտածել
որ Սիքստեան Մատուռը ոչ միայն տիեզերական արուստի վսեմ վայրն է ,այլ նաեւ աշխարհի ամենահռչակաւոր
թանգարանային վայրերէն մին է ։ Պապական մեծ ծիսակատարութիւններէ ,Կարտինալներու Ժողովներէ
անդին (յորում անոնք կ՝ընտրեն Նոր Քահանայապետը) ,Սիքստեան Մատուռը նաեւ գլուխ գործոցն
է անմոռանալի Միքելանճելոյի որ Մատրան առաստաղի կամարը զարդարած է 1508էն-1512 թուականներու
միջեւ, եւ յաջորդաբար Խորանի ետեւի պատը՝Վերջին Դատաստանով 1536էն-1541 թուականներուն։
Մատուռը իր անունը կ՝առնէ Սիքստոս Դ.րդ Տէլլա Ռովերէ-էն որ զայն կառուցել տուած է Ճովաննի
Տէի Տոլչիի-ն։ Սիքստեան Մատուռը Միքելանճելոյի քաջ ծանօթ գործերէն զատ կը պարունակէ
նաեւ Իտալացի այլ մեծ արուեստագէտներու կարեւոր որմնանկարները որպիսի են՝Պոթթիչէլլի,Փերուճինօ
Կիրլանտաիօ,Սինիորէլլի եւ Ռոսէլլի.... Կարելի է ըսել որ Սիքստեան Մատուռը կը բովանդակէ
Կաթողիկէ Եկեղեցւոյ Կրօնուսուցումը լիովին։