Հիւսիսարեւելեան Միացեալ Նահանգները Կը Սկսին Վերստին Ոտքի Կանգնելու Եւ «Սենտի»-ի Պատճառած
Վնասները Հաշուելու Աշխատանքին: ՝՝ Սենտի՝՝ Կ՝ուղղուի դէպի Գանատա։
«Սենտի» փոթորիկը արդէն կը հեռանայ հիւսիսարեւելեան Միացեալ Նահանգներու ափերէն, ուր
հակառակ մեծ վնասներուն, գործատեղիները կը վերսկսին իրենց դռները բանալու: Միլիոնաւոր
մարդիկ մնացած են առանց ելեկտրականութեան, քանդուած են բազմաթիւ բնակարաններ, կասեցած՝
փոխադրամիջոցները,ինչպէս նաեւ օդային հաղորդակցութիւնը,«Սենտի»-ի պատճառով չեղեալ նկատուած
է առնուազն 18 հազար թռիչքներ։ Մրցանշային 4 մեթր բարձրութեամբ ալիքներ լեցուած են Նիւ
Եորքի փապուղիները: Փոթորիկը խափանած էր նաեւ Նիւ Եորքի սակարանը: Նիւ Ճըրզիի մէջ
վնասներ կրած են աւելի քան 2.5 միլիոն ընտանիքներ։ Կը նախատեսուի, որ «Սենտի»-ի վնասները
վերականգնելու համար ծախսուի 30-40 միլիառ տոլար: Ատիկա զգալի կերպով քիչ է 2005-ի փոթորիկին
պատճառած վնասէն: Օրին Միացեալ Նահանգները 100 միլիառ տոլար ծախսած էին: