Лацінаамерыканскі іерарх: Касцёл увайшоў у новую “місіянерскую” эпоху
Сінод Біскупаў па
новай евангелізацыі яшчэ раз нагадаў пра тое, што Касцёл з’яўляецца місіянерскім па
сваёй прыродзе, і ніколі не можа забывацца пра тое, што крыніцай гэтай прыроды з’яўляецца
Евангелле, падзяліўся сваімі разважаннямі аб прайшоўшай у кастрычніку ў Ватыкане біскупскай
асамблеі бразільскі кардынал Адзіла Пэдра Шэрэр. “Сёння мы маем справу з новай сітуацыяй
у свеце, і не толькі ў далёкіх краінах, але ў нашых гарадах з хрысціянскай традыцыяй”,
- прызнаўся іерарх у інтэрв’ю нашаму радыё. На яго думку, якраз усведамленне гэтай
новай “місіянерскай” сітуацыі ва ўсім свеце і адбылося ў дні Сіноду. Іерарх упэўнены,
што гэта яшчэ больш замацуе Святы Айцец сваім паслясінадальным дакументам, дзе ясна
вызначыць, у якім накірунку павінен ісці Касцёл у абвяшчэнні Евангелля. Кардынал перакананы,
што гэта дасць штуршок Касцёлу, увайсці ў новую для яго “місіянерскую” эпоху.
Эфекты
новай евангелізацыі ўжо бачныя па ўсім свеце, лічыць арцыбіскуп Сан Паўла. Па словах
кардына Шэрэра, у краінах Лацінскай Амерыкі яна з’яўляецца прадметам дыскусій ужо
на працягу многіх гадоў і мясцовы Касцёл будзе рады падзяліцца вопытам і багаццем
новай евангелізацыі з усёй каталіцкай супольнасцю.