Սուրիոյ Պատերազմը։ 7 Հայեր Առեւանգուած՝ Պէյրութ-Հալէպ Ճամբուն Վրայ։
29 Հոկտեմբերին, առաւօտեան ժամը 7։30ին Պէյրութէն՝ Հալէպ ուղղուող «Զէյթունի Թուրզ»
ընկերութեան հանրակառքը, երեկոյեան ժամը 6ի մօտերը, Հալէպէն շուրջ կէս ժամ հեռաւորութեան
վրայ գտնուող Սարաքեպ շրջանին մէջ կանգնեցուած է դիմակաւոր զինեալներու կողմէ, որոնք
հանրակառք ներխուժելով եւ յետ ստուգման՝ առանձնացուցած են հանրակառքի քրիստոնեայ ճամբորդները
եւ ապա, կիներն ու երեխաները ազատ թողլով՝ իրենց մօտ պահած են տղամարդիկը: Առեւանգուածները
11 հոգի են, որոնցմէ 7-ը՝ հայեր, երկուքը՝ արաբ քրիստոնեայ եւ երկուքը՝ քիւրտեր։ Առեւանգեալները
փոքր փոխադրակառքով մը տարուած են անորոշ ուղղութեամբ։ Աշխատանք կը տարուի առեւանգեալներու
ինքնութիւնը գիտնալու եւ անոնց ազատ արձակումը ապահովելու համար։ Առեւանգուածներու
ինքնութիւնը առայժմ անյայտ է: Իր կարգին Բերիոյ թեմի Ազգային Առաջնորդարանի բանբեր
Ժիրայր Ռէյիսեան տեղեկացուցած է հայերու առեւանգման մասին: Ան դիտել տուած է, որ 10 առեւանգուածներու
անունները յստակ չեն տակաւին եւ աշխատանք կը տարուի զանոնք անվտանգ Հալէպ վերադարձնելու։