Kriza ekonomike e integrimi evropian temat e takimit të Benediktit XVI me kryeministrin
kroat Milanoviç
Sot paradite Papa Benedikti XVI priti në Vatikan kryeministrin e Qeverisë së Republikës
së Kroacisë, zotin Zoran Milanoviç. Pas audiencës te Ati i Shenjtë, kryeministri kroat
u takua me Sekretarin e Shtetit të Vatikanit, kardinalin Tarçizio Bertobe, që shoqërohej
nga Sekretari i Vatikanit për Marrëdhëniet me Shtetet, kryeipeshkvi imzot Dominque
Mamberti. Bisedimet e përzemërta mundësuan një shkëmbim të frytshëm opinionesh
mbi sfidat me të cilat Vendi duhet të ballafaqohet në krizën aktuale ekonomike, si
dhe mbi tema me interes të përbashkët në kuadrin e marrëdhënieve bilaterale. Lidhur
me këtë u përmend në mënyrë të veçantë Konferenca e promovuar me rastin e 20-vjetorit
të marrëdhënieve diplomatike, që mbahet sot pasdite. Për sa i përket rastit të njohur
Dajla, dy Palët ranë dakord që çështja të zgjidhet sa më shpejt të jetë e mundur,
në frymën e miqësisë tradicionale ndërmjet Selisë së Shenjtë e Republikës së Kroacisë. Së
fundi, u ripohua mbështetja e Selisë së Shenjtë ndaj aspiratave të ligjshme të Kroacisë
për integrimin e plot evropian dhe u fol mbi rrethanat rajonale, me një referim të
veçantë te situata e Kroatëve në Bosnje e Hercegovinë.