24 кастрычніка кардынал
Дзяржсакратар Тарчызіо Бэртонэ ўзяў удзел у адкрыцці філіялу ватыканскай дзіцячай
бальніцы “Bambino Gesu”. Ён размесціўся непадалёк рымскай базылікі св. Паўла за Мурамі.
Падчас цырымоніі іерарх паведаміў, што новая бальніца будзе названа ў гонар Бэнэдыкта
ХVI. “Святы Айцец вельмі ахвотна прыняў гэту прапанову, - адзначыў кардынал у сваёй
прамове - і дадаў, што Папа сочыць з вялікай увагай за сусветнымі ініцыятывамі на
карысць церпячых і бездапаможных дзяцей”.
Дзяржсакратар Яго Святасці падкрэсліў,
што новая бальніца, гэта не толькі амбулаторыі і аперацыйныя залы, дзе будуць адбывацца
ўнікальныя хірургічныя аперацыі. “На пачатку 2013 г. у гэтай бальніцы адкрыецца найбуйнейшы
і самы сучасны ў Еўропе цэнтр педыятрычных даследаванняў, у якім медыкі з Італіі і
ўсяго свету будуць распрацоўваць новыя метады лячэння рэдкіх захворванняў у дзяцей”,
- падзяліўся кардынал Бэртонэ. Акрамя таго, новая бальніца стане цэнтрам павышэння
кваліфікацыі для медыкаў-педыятраў з усяго свету.