З-за паводкі ў Лурдзе
застаецца зачыненым для пілігрымаў мясцовы марыйны санктуарый. Праліўныя дажджы 20-21
кастрычніка прывялі да розліву ракі Гау. У выніку чаго ў мінулую суботу адсюль былі
эвакуіраваны каля 500 пілігрымаў з розных краін. Страты ацэньваюцца ў некалькі сотняў
тысяч еўра. Быў затоплены таксама Масабельскі грот, месца аб’яўленняў Маці Божай у
1858 г., вада знаходзіцца на ўзроўні алтара. Пашкоджаны два масты і электрычны вузел.
Таксама каналізацыя патрабуе рамонту, - паведаміў мясцовы біскуп Нікалас Брувэ ў сваім
спецыяльным відэпаведамленні на “YouTube”.
Сітуацыя паступова нармалізуецца:
узровень мясцовай ракі зноў дасягнуў адпаведнага, вада выпампоўваецца з затопленай
часткі святыні. Басейны, у якія пагружаюцца пілігрымы ачышчаюцца ад рэштак ілу, прынесенага
ракой. Учора аднавіліся працэсіі перад базылікай Маці Божай Ружанцовай, а сёння быў
адчынены Масабельскі грот.