Папата прогласи 7 нови Светци, сведоци на Божјата љубов за човекот
Синодската седница која се мери со предизвикот на новата евангелизација и со мисионерите
посебно спомнати на Светскиот Ден на Мисионерите: две настани кои се совпаднаа со
Канонизацијата на 7 блажени од 6 различни националности. На плоштадот св. Петар, полн
од 80.000 луѓе, Бенедикт 16-ти ја отслужи мисата за канонизација на Jacques Berthieu,
Pietro Calungsod, Giovanni Battista Piamarta, Maria Carmen Sullés y Barangueras, Marianna
Cope, Caterina Tekakwitha, Anna Schäffer.
„Црквата ја оживува свеста дека постојано
е во служба на човекот и Евангелието, како Оној кој самиот себе се предаде жртвувајќи
го животот“. Со овие зборови Светиот Отец повикува на примерот на новите Светци и
го поздрави Синодот:
„Мојот срдечен поздрав го упатувам до сите вас, кои
го наполнивте Плоштадот св. Петар, особено официјалните делегации и поклониците кои
дојдоа да ги прослават седумте нови Светци. Љубезно ги поздравувам Кардиналите и Епископите
кои овие денови присуствуваат на Синодската седница за Новата Евангелизација".
Бенедикт
16-ти зборува за „среќна случајност“ нагласувајќи дека христијанинот, било во најдалечните
земји било во регионите од античкото христијанство, „повикан е да сведочи и да ја
навестува христијанската порака споредувајќи се со Исус Христос, следејќи го неговиот
пат. Папата потврдува со зборовите од евангелието според Марко: „Синот човечки дојде
да служи и да го даде својот живот за откуп на мнозина“. Јасно потврдува: тоа го направија
новите седум Светци и зборува за „херојската храброст“, за „потполното посветување
на Бога“ и за „благородната услуга кон браќата“.
„Светоста во Црквата секогаш
својот извор го има во тајната за Откупението, која е претскажана од пророкот Исаија
во првото Писмо: Слугата Гопсодов е Праведниот кој ’мнозина ќе оправди, и врз себе
ќе ги носи нивните беззаконија’ (Ис 53,11), тоа е Исус Христос, распнатиот, воскреснатиот
и прославениот".
„Новите Светци – рече Папата – различни се по потекло,
јазик, нација и социјален статус, но сите се обединети со целиот Народ Божји во тајнството
на спасението Христово“.
„Сведочењето на новите Светци со нивните животи
за љубовта Христова да и зборува денес на целата Црква, и нивното посредување да може
да ја зајакне и поддржи во мисијата за навестување на Евангелието на целиот свет“.