Shën Ana Shefer, që u shua duke përshpëritur “Jezus, unë jetoj në Ty”.
Një jetë tejet e vështirë, ajo e Shenjtores së re bavareze Ana Shefer, bijë e një
zdrukthëtari të varfër, me tetë fëmijë. Ëndërroi të bëhej murgeshë, por iu desh ta
flijojë gjithë jetën duke punuar si shërbëtore, për të mbajtur vëllezërit e motrat,
mbetur shpejt jetimë. Fatkeqësi pas fatkeqësie, kjo është jeta e saj. Familja në rrënim,
trupi, i pushtuar nga dhimbje të padurueshme, që nuk pushojnë kurrë, rrëzime nga krevati,
dhimbje të reja, paralizim i plotë i këmbëve, e megjithatë, gatishmëri për të pranuar
detyrën, që i beson Zoti, së cilës i kushtohet me gjithë zemër: të jetë misionare,
ashtu e mbërthyer në krevat, e mbuluar me plagë, 21 vjeçare, në lule të rinisë. Ajo
e pranon misionin, i vë vuajtjet e dhimbjet tek këmbët e Kryqit, flijohet për Zotin,
që i duket disa herë në ëndërr. E sëmura për vdekje, nis të shërojë e të ngushëllojë
të shëndoshët e të sigurtët në vetvete: nga krevati, ajo është gjithnjë në shërbim,
me gojë e me shkrim, deri më 25 shtator 1925, kur rrëzimi i fundit e lë edhe pa zë,
e deri tek pëshpëritja në fill të mortjes: “Jezus, unë jetoj në ty”.Shenjtorja e re,
shumë e pranishme në trojet bavareze, e lumnuar nga Gjon Pali II në vitin 1999, e
shenjtëruar sot nga Benedikti XVI, pushon në paqe në kishën famullitare të Mindelstetten.Varri i saj është prej kohe cak shtegtimesh.