Նոր Սերունդը Կը Վերագտնէ Քրիստոնէութեան Գեղեցկութիւնը։
Պենետիկտոս ԺԶ Քահանայապետը Վատիկանի հեռուստատեսիլի հետ ունեցած հարացազրոյցի մը ընթացքին
անդրադրձած է Նոր Աւետարանութեան մասին, որ ներկայիս սիւնհոդոսական հայրերու խորհրդածութեան
նիւթն է։ Նորին Արբութիւնը յայտնած է իր համոզումը թէ Եւրոպայի մէջ ի յայտ կու գայ քրիստոնէութեան
նոր գառուն մը ու թէ այս գառնան դերակատարները երիտասարդներն են, որովհետեւ Աւետարանի
ճշմարտութիւնը այժմէակն կը մնայ եւ չի ծերանար։ Միաժամանակ Սրբազան Քահանայապետը
իր խնդակցութիւնը յայտնած է որ ազգային տարբերութիւնները ինքնին հարց մը չեն նոր Եւրոպային
համար։ Գաղափարախօսութիւններու ժամանակը այլեւս անցած է, որովհետեւ անոնք կը ներկայացնեն
ճշմարտութեան մէկ բեկորը։ Մինչ Աւետարանը ճշմարիտ է եւ այդ պատճառաւ չի մաշիր, որովհետեւ
ճշմարտութիւնը կը մնայ միշտ այժմէական։ Ամէն դարաշրջանին Աւետարանը իր նոր ծաւալը ցոյց
կու տայ եւ իր ամբողջ ճշմարտութեամբ կը յայտնուի, այս պատճառաւ Եւրոպային մէջ ի յայտ
կու գայ քրիստոնէութեան նոր գառունը։ Երիտասարդները որ այդ գառնան դերակատրաներն են,
ծարաւն ունին Աստուծոյ խօսքին։ Անոնք շատ բաներ տեսան գաղափարախօուսութիւններէն ու սպառապաշտութենէն,
որ գոհացուցիչ չեն նկատեր քանի ''մարդը ծնած է անսահմանին համար''։ Նոր սերունդները,
գիտակից յառաջ կ'ընթանան ու կը հանդիպին քրիստոնէութեան գեղեցկութեան։