Վատիկանեան Տեղեկութիւններ եւ Հաւատոյ Տարուայ Առթիւ Ձեռնարկներ
- Հինգշաբթի 18 հոկտեմբերին Հռոմի քաղաքապետարանի <> պաշտօնական սրահին
մէջ տեղի ունեցաւ նոր աւետարանութեան նիւթին նուիրուած քննարկումի եւ երկխօսութեան օր
մը որուն ընթացքին ելոյթ ունեցան Հռոմի քաղաքապետ Տիար Ճաննի Ալէմաննօ, եպիսկոպոսական
սիւնհոդոսի ընդհանուր քարտուղար` գերապայծառ Նիքոլա Էթէրովիչ, նոր աւետարանութեան քահանայապետական
խորհուրդի նախագահ գերապայծառ Րինօ ֆիզիքելլա եւ Ռատիովատիկանի ընդհանուր տնօրէն ու Սուրբ
աթոռի մամլոյ գրասենեակի պատասխանատու Հայր ֆետերիքօ Լոմպարտին։ Երեկոյեան ժամը 9-ին,
քննարկումի այս օրուան առթիւ, Հռոմի երաժշտութեան լսարանաի մէջ նախատեսուած է միջազգային
համերգ մը <<Քրիստոնեայ Երաժշտութիւն>> նուագախումբի կատարողութեամբ։
- 2012-2013
տարեշրջանի Սրբազան Քահանայապետի կողմէ հռչակուած Հաւատոյ Տարուայ առթիւ, Հռոմի Սուրբ
Պօղոս Անուան Պազիլիքայի մէջ, այսօր` սկիզբ առին հանդիսաւոր արարողութիւններու շարք մը
որոնց ընթացքին 4 աւետարանիչներու եւ Սուրբ Պենետիկտոսի մասին խորհրդածութիւններ պիտի
կատարուին, նուագի հատոուածներու մէջբերումներով։ Հինգշաբթի 18 հոկտեմբերի հանդիպումի
քարոզիչ` հայր Շիքոլոնէ իր խորհրդածութիւնը կըկեդրոնանացնէ Սուրբ Ղուկաս աւետարանիչի
վրայ որուն տօնը, ըստ Լատինաց եկեղեցւոյ, կը նշուի նոյն օրը։
- Ֆրանսայի եպիսկոպոսական
համահաւաք դասի քրիստոնէականի յանձնախումբի նախաձեռնութեամբ, Փարիզի, Լիոնի եւ Թուլուզի
մէջ նախատեսուած են Հաւատոյ Տարուայ առթիւ քրիստոնէական վարդապետութեան ծաւալումի ազգային
յատուկ օր մը։