Архіепіскап Шаўчук лічыць, што візіт Папы ва Украіну магчымы
Папа Бэнэдыкт XVI
можа, адпаведна заяве грэка-каталіцкага Архіепіскапа Кіева-Галіцкага Святаслава Шаўчука,
хутка наедаць Украіну. Раней аб магчымасці такога падарожжа заяўляў рыма-каталіцкі
арцыбіскуп Львоўскі Мечыслаў Макшыцкі. Паводле грэка-каталіцкага іерарха, візіт ва
Украіну – “справа тонкая”, якая маець вялікі грамадскі і палітычны кантэкст. На пытанне,
ці Папа прыйдзе ў яго краіну, ён адказаў: “Я думаю, так”, цытуе архіепіскапа аўстрыйскае
інфармацыйнае агенцтва “KathWeb”. Украінскія вернікі чакаюць Бэнэдыкта XVI, паведаміў
кіраўнік Грэка-каталіцкай Царквы Украіны.
Трэба нагадаць, што запрашэнне Бэнэдыкту
XVI наведаць краіну ад Рыма- каталіцкага Касцёла, Грэка-каталіцкай Царквы і мясцовых
палітычных уладаў было накіравана ў Ватыкан ужо даволі працяглы час таму. Прычым,
адказу на яго, ні станоўчага, ні адмоўнага, пакуль не паступала.
Архіепіскап
Шаўчук прымае ўдзел у Сінодзе Біскупаў па новай евангелізацыі, які праходзіць ужо
больш за тыдзень у Ватыкане.