Удзельнікі Сінода: неабходна “хрысціянская вясна” на Блізкім Усходзе
Мінуў тыдзень пасля
адкрыцця Сінода па новай евангелізацыі. 14 кастрычніка яго ўдзельнікі маюць выходны
дзень. Учора вечарам праца Сінода закончылася агульнай дыскусіяй. Падчас яе, у цэнтры
ўвагі была прысутнасць хрысціян на Блізкім Усходзе. Прагучаў заклік аб неабходнасці
“хрысціянскай вясны” у рэгіёне, якому павінна дапамагчы рэлігійная свабода і мір.
Паводле ўдзельнікаў Сінода “хрысціянская вясна” паспрыяе развіццю “арабскай вясны”
у накірунку дэмакратыі, свабоды, справядлівасці і міра. Гэта тычыцца асабліва такіх
краін як Ірак, Сірыя і Егіпет, у якіх назіраецца пераслед хрысціян. Паводле ўдзельнікаў
Сінода насілле ў адносінах да хрысціян на Блізкім Усходзе “трансфарміруе аблічча іслама”.
Таму неабходна спрыяць міжрэлігійнаму дыялогу, асабліва праз штодзённае жыццёвае сведчанне.
Неабходна, каб хрысціяне заўсёды паглыблялі сваю веру і веды аб ёй і каб яна, такім
чынам станавілася менш эмацыянальнай і павярхоўнай. Асаблівая ўвага звярталася на
ролю моладзі, якая павінна стаць “агентам евангелізацыі”, асабліва сярод сваіх аднагодак.