Святы Пасад заключыў пагадненне з Экватарыяльнай Гвінеяй
13 кастрычніка 2012
г. было падпісана пагадненне паміж Апостальскай Сталіцай і Рэспублікай Экватарыяльная
Гвінея. Цырымонія падпісання адбылася ў нацыянальным санктуарыі Беззаганнага Зачацця
ў горадзе Мангома. На ёй прысутнічалі Прэзідэнт краіны Тэадора Абіанг Нгема Мбасога,
і шматлікія іншых дзяржаўныя дзеячы. Дакумент атрымаў назву: “Пагадненне паміж Святым
Пасадам і Рэспублікай Экватарыяльная Гвінея па адносінах паміж Каталіцкім Касцёлам
і дзяржавай”. З боку Апостальскай Сталіцы яго падпісаў нунцый у гэтай краіне, арцыбіскуп
Пьера П’ёпа. На цырымоніі прысутнічаў увесь каталіцкі епіскапат.
Пагадненне,
якое складаецца з 19 артыкулаў і Дадатковага пратаколу, уступіць у сілу пасля абмену
ратыфікацыйнымі граматамі.
У заяве Святога Пасаду гаворыцца, што дакумент падкрэслівае
незалежнасць і аўтаномія Касцёла і дзяржавы, але не гледзячы на гэта, іх агульнае
жаданне працаваць разам. Пагадненне забяспечвае прававую базу двухбаковых адносін,
у прыватнасці, зацвярджае статус Касцёла і яе інстытутаў як юрыдычных асоб. Дакумент
рэгулюе таксама пытанні адносна кананічнага сужэнства, месцаў адпраўлення культу,
каталіцкіх навучальных устаноў, духоўнай дапамогі католікам у бальніцах і турмах.