Հայաստան – Իտալիա` 1-3 Բ. կիսախաղին Ա. Էս. Ռոմայի երկու մարզիկներուն`
Տանիելէ Տէ Ռոսսիի (64-րդ) եւ Փապլօ Օսվալտոյի (82-րդ)` գլուխով նշանակուած կոլերուն
շնորհիւ, երէկ, Իտալիոյ ֆութպոլի ազգային խումբը, դժուար պայքարով մղուած մրցումէ մը
ետք, 3-1 արդիւնքով յաղթեց Հայաստանի ֆութպոլի ազգային հաւաքականին, «Հրազդան» մարզադաշտին
վրայ տեղի ունեցած ճակատումին, որ կ՛իյնայ 2014-ի Մոնտիալի զտումի մրցաշարքի (Եւրոպայի
գօտի) Բ. խմբակին ծիրին մէջ: Մրցումէն ետք Հայաստանի հաւաքականի գլխաւոր մարզիչ Վարդան
Մինասեան կատարեց հետեւեալ յայտարարութիւնը: ՜՜Կը շնորհաւորենք Իտալիան` արձանագրուած
այս յաղթանակին համար: Մրցումէն ետք քիչ մը դժուար է խօսիլը: Այսօր մենք կատարեցինք այս
տարուան մեր լաւագոյն մրցումներէն մէկը, եթէ ոչ` լաւագոյնը՝՝:Ան նաեւ ըսաւ. ՜՜Բ . կիսախաղին
մենք թէեւ լաւ սկսանք, բայց բնականաբար պիտի յաղթէր այն խումբը, որ առաջինը պիտի ըլլար
յաջողութեան հասնողը: Ես մեր տղոց ըսի, որ շատ գոհ մնացի իրենց ներկայացումէն: Մի՛ մոռնաք,
որ ասիկա Իտալիան է՝՝: