Մայր Աթոռ Ս. Էջմիածնի Ներկայացուցիչը Կը Մասնակցի Կաթողիկէ Եկեղեցւոյ Եպիսկոպոսաց Ժողովին
Բենեդիկտոս ԺԶ Սրբազան քահանայապետի նախագահութեամբ 7 հոկտեմբերին Վատիկանի մէջ սկիզբ
առաւ Կաթողիկէ Եկեղեցւոյ Եպիսկոպոսաց ժողովը` «Նոր Աւետարանութիւն` յանուն քրիստոնէական
հաւատքի տարածման և ամրապնդման» թեմայով: Երեքշաբաթեայ ժողովին մասնակցելու համար
Վատիկան ժամանած են Կաթողիկէ Եկեղեցւոյ ողջ եպիսկոպոսաց դասը , նաև Ուղղափառ, Արևելեան
Ուղղափառ եւ Անգլիկան Եկեղեցիներու ներկայացուցիչներ, ինչպէս նաեւ էքիւմենիք կազմակերպութիւններու
ու Արևմուտքի քրիստոնէական այլ յարանուանութեանց ներկայացուցիչներ։ Գարեգին Բ Ամենայն
Հայոց Կաթողիկոսի օրհնութեամբ Մայր Աթոռ Սուրբ Էջմիածինէն սոյն ժողովին կը մասնակցի
Մայր Աթոռ Ս. Էջմիածնի հոգևոր կրթական հաստատութիւններու վերատեսուչ և Գևորգեան հոգևոր
ճեմարանի տեսուչ՝ Գևորգ եպ. Սարոյան, որ հանդէս կու գայ թեմայի շուրջ ելոյթով մը, ու
Նորին Սրբութիւն Բենեդիկտոս ԺԶ Քահանայապետին կը փոխանցէ Ամենայն Հայոց Հայրապետի եղբայրական
ողջոյնները: Վատիկան գտնուած օրերուն Գևորգ Սրբազանը նաև հանդիպումներ կ՝ունենայ
Վատիկանի պետքարտուղար կարդինալ Թարչիզիօ Պերթոնէի և Հռոմի Արևելեան Եկեղեցիներու բաժանմունքի
վարիչ կարդինալ լէոնարտօ Սանտրիի, ինչպէս նաև Կաթողիկէ Եկեղեցւոյ կրթական շարք մը հաստատութիւններու
պատասխանատուներու հետ: