നവസുവിശേഷവത്ക്കരണ വഴികളില് സ്ത്രീകളുടെ പ്രാതിനിധ്യം
10 ഒക്ടോബര് 2012, വത്തിക്കാന് നവസുവിശേഷവത്ക്കരണ പദ്ധതിയുടെ എല്ലാ മേഖലകളിലും സ്ത്രീകളുടെ
പ്രാതിനിധ്യം പ്രധാനപ്പെട്ടതാണെന്ന് മെത്രാന്മാരുടെ സിനഡു സമ്മേളനം പ്രസ്താവിച്ചു. വത്തിക്കാനില്
കൂടിയിരിക്കുന്ന മെത്രാന്മാരുടെ സിനഡ് പൊതുസമ്മേളനത്തിന്റെ 3-ാം ദിവസം ഒക്ടോബര് 10-ാം
തിയതി ബുധനാഴ്ച രാവിലെ നടന്ന ചര്ച്ചകളിലാണ് സ്ത്രീകളുടെ പ്രാതിനിധ്യം സംബന്ധിച്ച അഭിപ്രായം
ഉയര്ന്നുവന്നത്. രാവിലെ 9 മുതല് 12 വരെയും, ഉച്ചതിരിഞ്ഞ് 4 മുതല് 7 വരെയും നീണ്ടുനില്കുന്ന
സിനഡിന്റെ പൊതുസമ്മേളനങ്ങളില് എല്ലാംതന്നെ ബനഡക്ട് 16-ാമന് പാപ്പ സന്നിഹിതനാണ്. ‘നവസുവിശേഷവത്ക്കരണം
വിശ്വാസ പ്രചരണ’ത്തിന് എന്ന പ്രമേയവുമായി കൂടിയിരിക്കുന്ന മെത്രന്മാരുടെ സിനഡ് ഒക്ടോബര്
28-ാം തിയതി സമാപിക്കും.