Еўрапейскія біскупы з прызнаннем аб лаурэатах Нобелеўскай прэміі па медыцыне
Камісія Епіскапатаў
краін Ерапейскага Саюза выказала сваё задавальненне ў сувязі з прызнаннем 8 кастрычніка
Шведскай акадэміяй навук Нобелеўскай прэміі ў галіне фізіялогіі і медыцыны за 2012
г. брытанскаму і японскаму даследчыкам. Джон Гердан і Сінья Яманака распрацавалі метад
атрымання ствалавых клетак чалавека з неэмбрыянальных тканак. У Яманакі атрымалася
з дапамогай генетычных маніпуляцый “перапраграмаваць” клеткі, якія ўжо “атрымалі”
пэўную спецыялізацыю ў арганізме.
“Гэта вялікі крок у прызнанні ключавой
ролі, якую неэмбрыянальныя ствалавыя клеткі адыгрываюць у развіцці новых медыцынскіх
метадаў лячэння, у якасці альтэрнатывы выкарыстання ствалавых эмбрыянальных клетак
чалавека”, - адзначылі еўрапейскія біскупы. Іерархі падкрэслілі, што ў той час як
даследаванні над эмбрыянальнымі ствалавымі клеткамі, аб неэтычнасці якіх пастаянна
кажа Касцёл, церпяць у апошні час фіяска, распрацоўка навуковых метадаў і тэхналогій
ў галіне альтэрнатыўных ствалавых клетак атрымала новы імпульс для развіцця.
Біскупы
яшчэ раз звярнуліся да Еўрапейскага суда, каб не дазваляў патэнтаванне біятэхналагічных
вынаходніцтваў з выкарыстаннем эмбрыянальных ствалавых клетак. Камісія Епіскапатаў
краін Ерапейскага Саюза заклікала ўстановы ЕС прыняць нормы супраць фінансавання даследаванняў,
падчас якіх знішчаюцца чалавечыя эмбрыёны або выкарыстоўваюцца эмбрыянальныя ствалавыя
клеткі.