Վատիկանեան տիեզերական Բ Ժողովի 50-րդ Յոբելեանի առթիւ, 7 - 11 հոկտեմբեր ցամաքամասային
Աստուածաբանական Վեհաժողով մը կազմակերպուած է Պրազիլի Սաօ Լէոբոլտոյ քաղաքի մէջ որուն
կը մասնակցին աւելի քան 700 պատգամաւորներ, կազմուած եպիսկոպոսներէ, աստուածաբաններէ,
ընկերային գիտութեանց մասնագէտներէ, եկեղեցականներէ եւ աշխարհականներէ, որոնք ցամաքամասի
զանազան վայրերէն ժամանած են։ Վեհաժողովը կը քննարկէ <<Լատին ամերիկայի Աստուածաբանութեան
եւ առաքելութեան դիմաց գտնուող մարտահրաւէրները մեկնելով մեր մշակութային, ընկերային,
քաղաքական, տնտեսական, բնապահմանողական, կրօնական եւ եկեղեցական նոր միջավայրէն - յայտարարած
է ՍոգգորոօՄարթինէցը, Վեհաժողովը կազմակերպող <<Ամէրինտիա>> ցանցի պատասխանատուներէն
մին, մատնանշելով թէ վեհաժողովի ժամանակ նախատեսուած են զանազան բանախօսութիւններ, բանավէճեր,
եւ աշխատանքային ուսումնաժողովներ որոնց ընթացքին կը շօշափուին Աստուածաբանութեան հետ
համեմատուած նիւթեր ինչպէս <<տնտեսութիւն եւ աստուածաբանութիւն>>, <<բնապահպանութիւն
եւ աստուածաբանութիւն>>, <<աստուածաբանութիւն եւ եկեղեցական նորոգում>> եւայլն։